مش عارفه لو فى كتير حيقروا ده والا لا المهم ان اللى حيقروه حيفهموه والا لا؟انا الحقيقه مش متاكده من حاجه بس ادينا بنجرب ويا صابت يا خابت ماحدش خسران حاجه. نبتدى الحكايه منين يا حلوين من اول ما عرفت جوزى والا من اول ما حبينا بعض والا من اول الجواز؟ خليها من الجواز عشان مانبوظش المدونه من اولها ونقول حاجات مش ماشيه مع العنوان انا اتجوزت من سنتين ونص وشفت فى الوقت ده عجب العجاب مع البيه البواب قصدى جوزى اصل جوزى ده حدوته كبيره يبان كتكوت لسه ماطلعش من البيضه وهو ابن عفاريت عمل كل اللى انا باكرهه فى الرجاله ماعدا الخيانه الصراحه حلوه برضه وانا مش حخبى عليكم حاجه ده انا ماصدقت الاقى حد احكيله يوم الجواز اول ما رجعنا اكلنا مكرونه بالباشاميل وبط وطبعا نمنا اكيد بعدها شبه كياس الجوافه من كتر الاكل فى القاعه والشاليه -اللى قضيت فيه اول شهر من حياه المستقبل-